CUSTODIA

Pershkrimi

Fungicid sistemik me veprim parambrojtes, kurues dhe crenjoses per luftimin e semundjeve kerpudhore në perime, vreshta e drithra.

Lenda vepruese: 120 gr/lit Azoxistrobin + 200 gr/lit Tebuconazole
Formulimi: SC (suspension i koncentruar)

---

Përdorimi

CUSTODIA është një fungicid me veprim sistemik parambrojtes, kurues dhe crenjoses me levizje translaminare. Në saj të përmbajtjes së dy molekulave që i përkasin klasave të ndryshme të strubilurinave dhe triazoleve, CUSTODIA shfaq një veprim të fuqishëm si parandalues (Azoxistrobina) dhe kurues e crenjoses (Tebuconazole). Bashkimi i dy molekulave rrit veprimin anti-myk në të gjitha kulturat bujqësore. Krahas luftimit të hirit dhe fusariozave në të lashta, ka veprim shumë të mirë në parandalimin e infeksioneve nga vrugu.

Në Vreshta: Kundër hirit (Uncinula necator), përdoret 0.75 lit/ha, duke trajtuar në intervale 10-14 ditë me normë spërkatje 500-1000 lit/ha. Ka efekt shumë të mirë kundër vrugut të hardhës dhe botritis.
Në Drithra: Kundër hirit (Erysiphe graminis) dhe ndryshkut (Puccinia spp.), kundër fuzariozës së kallirit (Fusarium spp.) trajtimi kryhet në fazën e lulëzimit të plotë; kundër septoriozës (Septoria spp.) trajtimi kryhet në fazën e ngritje-kallezim. Doza e përdorimit: 1-1.25 lit/hektar.
Në Perime (domate, spec, pjeper, shalqi, trangull, kungull, patllixhan, qepe, hudher, sallatë): Kundër hirit (Erysiphe cichoracearum, Sphaeroteca fuliginea, Leveillula taurica), ndryshkut (Puccinia spp.). Me konstatimin e shenjave të para, trajtohet çdo 10-14 ditë, duke përdorur 0.5-1 lit/ha me normë uji 500-1000 lit/ha. Efekt shumë të mirë si parandalues kundër vrugut (Phytophthora). Në kushtet e presionit të lartë të infeksionit të sëmundjes, përdoret doza më e lartë e rekomanduar.

Vërejtje për përdorimin:
CUSTODIA përzihet me të gjitha fungicidet dhe insekticidet që kanë reaksion neutral.
Lejohen 2 trajtime në sezon për të lashtat, hardhinë, hudhrën dhe qepën.
Në perime të tjera si domate, patllixhan, kastravec, spec, kungullore e bostanore (në fushë dhe serrë), përdoren deri 3 trajtime në një sezon.

---

Ndikimi në Ekosistem

EUH401. Për të shmangur rreziqet ndaj shëndetit njerëzor dhe mjedisit, zbatoni udhëzimet e përdorimit.
Mos ndotni basenet, pellgjet dhe rrugët e ujit me produktin ose ambalazhin bosh.
Në rastet e aplikimeve në terrene të hapura, për të mbrojtur organizmat ujore, duhet të trajtohet në distancë 5-10 m nga basenet ujore apo burimet e ujit. Evitoni shplarjen e paisjeve afër ujrave sipërfaqësore, kanaleve të kullimit dhe rrugëve.

---

Fitotoksiciteti

Në kulturat dhe dozat e rekomanduara nuk ka shfaqur shenja të fitotoksicitetit.

---

Karenca

• Domate, kastravec, speca, kungull, patllixhan: 3 ditë
• Pjeper e bostan: 7 ditë
• Hudher, qepe e hardhi: 21 ditë
• Të lashta, grurë i butë e i fortë, tritikale dhe elb: 35 ditë

---

Magazinimi

Ruhet në vende të thata dhe në temperatura 0-35°C.

---

Frazat Parandaluese

• Mbajeni në vende të sigurta dhe të pa arritshme nga fëmijët.
• Merrni udhëzime të veçanta para përdorimit.
• Gjatë përdorimit të tij, mos hani e mos pini ujë dhe duhan.
• P280: Gjatë punës përdor paisje mbrojtëse: kominoshe, doreza, maska, syze.
• Mblidhni ambalazhet në kontenjerë dhe bëni shkatërrimin e tyre sipas rregullave në fuqi.
• SP1 A: Mos ndotni ujin me produktin ose ambalazhin e tij.

---

Frazat e Rrezikut

• H302: I dëmshëm nëse gëlltitet. Toksicitet akut (oral).
• H361d: I dyshuar për dëmtimin e fetusit (fëmija i palindur).
• H410: Toksik për jetën ujore me efekte të gjata e të qëndrueshme.
• EUH208: Përmban 1,2-Benzisothiazolin-3-one: mund të shkaktojë reaksion alergjik.

---

Udhëzime për Ndihmën e Parë dhe Këshilla për Mjekun

• Në rast kontakti me lëkurën, pjesët e atakuara lahen menjëherë me ujë të bollshëm e sapun.
• Në rast të kontaktit me sytë: shpërlajini ato me ujë të bollshëm dhe sapun për disa minuta dhe pastaj konsultohuni me një okulist.
• Në rast helmimi nga goja, drejtohuni mjekut dhe i tregoni atij etiketen.
• Antidot specifik nuk njihet. Mjekimi sipas simptomave.