NIMROD 25 EC

NIMROD 250 EC
NIMROD 250 EC është fungicid sistemik, me veprim parandalues, kurativ dhe crrenjoses, që përmban BUPIRIMAT, e vetmja lëndë aktive e familjes kimike të Hidroksipirimidinave, që karakterizohet nga një mekanizëm veprimi unik dhe të veçantë, specifik kundër hirit në vreshtari, pemë frutore, perime dhe bimë zbukuruese.

Përmbajtja:
Bupirimate 250g/lit.

---

Përdorimi

Në vreshta:
Trajtimet fillojnë nga momenti i lulezimit si parandalues, me 1-1.3 lit/ha. Në rast përzierje (mishele) me produktet që përmbajnë Tebuconazole, doza ulet në 0.7 lit/ha. Në prani të infeksionit në veshulë përdoret me 1.2-1.3 lit/ha, duke e përsëritur trajtimin pas 5-6 ditësh.

Në mollë:
Me 30-60 ml/100 lit ujë. Trajtimet fillojnë në fazën e veshëve të miut.

Në pjeshkë e kajsi:
Me 50-100 ml/100 lit ujë. Trajtimet fillojnë në prag të lulezimit.

Në domate, patëllxhan, speca (në serrë e fushë):
Me 200-300 ml/100 lit ujë.

Në shalqin, pjeper, kastravec e kungull (në serra e fushë):
Me 50-100 ml/100 lit ujë.

Në luleshtrydhe:
Me 1 lit/ha.

Në trendafila e bimë zbukuruese:
Me 150-300 ml/100 lit ujë.

Doza më e lartë përdoret në infeksionet e rënda.

---

Vërejtje për përdorimin

• Përzihet me shumicën e insekticideve dhe fungicideve të përdorura në bujqësi.
• Nuk lejohet përzierja me produktet alkaline.
• Lejohet përzierja edhe me vajrat minerale.

---

Karenca

• 14 ditë për drufrutoret.
• 3 ditë për perimet dhe luleshtrydhen.

---

Info të tjera

Masat parambrojtëse

• Ruajeni në vende të sigurta larg fëmijëve.
• Ruajeni larg ushqimeve për blegtorinë dhe pijeve dhe ushqimeve për njerëzit.
• Gjatë punës mos hani dhe mos pini lëngje ose duhan.
• Vishni rrobat e punës dhe pajisjet mbrojtëse.
• Pas punës lani duar dhe pjesët e ekspozuara të trupit.
• Lani pajisjet mbrojtëse dhe mjetet e sprikates.
• Bëni shkatërrimin e ambalazhit sipas rregullave në fuqi.

---

Udhezime për ndihmën e parë dhe këshilla për mjekun

• Në rast kontakti me sytë, lajini menjëherë me ujë të bollshëm për të paktën 15 minuta dhe kërkoni ndihmë mjekësore.
• Në rast gëlltitje, pini 1-2 gota ujë dhe provokoni të vjella.
• Në rast thithjeje avujsh, nxirreni të dëmtuarin në ajër të pastër.
• Nëse humb ndërgjegjen, bëni frymëmarrje artificiale dhe, kur frymëmarrja është e vështirë, jepni oksigjen dhe kërkoni ndihmë mjekësore në qendrën më të afërt spitalore, duke treguar mjekut etiketen.
• Nuk njihet antidot specifik. Mjekimi simptomatik.

---

Ndikimi mbi ekosistemin

• Pak helmues për gjitarët.
• Pak helmues për bletën dhe faunën e dobishme.
• Mesatarisht helmues për peshqit.
• Mos ndotni kanalet, ujëmbledhësat dhe burimet e tjera ujore me ambalazhin ose me solucionin e sprikates.

---

Fitotoksiciteti

• Nuk është fitotoksik në kulturat dhe dozat e rekomanduara.
• Mund të shkaktojë fitotoksicitet tek varietetet e mollës Gravestein, Idaret, Imperator nëse përdoret pas fazës së “butonave roze”.

---

Magazinimi

Ruajeni në ambalazhin origjinal, të mbyllur mirë, në vende të thata, të errëta dhe të ventiluara, në temperaturat nga 10-30°C.